VIDEO: ეს რა იყოოო?! - ლოკომოტივის მეკარის გოლი საკუთარი საჯარიმოდან
1 სთ წინ · 0 წთ წასაკითხად
-
Aa
+
ფონტის ზომა
საქართველოს 19-წლამდელთა მთავარ ჩემპიონატ ოქროს ლიგაში საოცარი გოლი გავიდა.
საჩემპიონო პლეი-ოფის პირველ ტურში, ლოკომოტივისა და იბერია 1999-ის შეხვედრაში, ლოკოს მეკარე საბა ასანიძემ საკუთარი საჯარიმოდან გაიტანა.
2008 წელს დაბადებულ ასანიძეს, რომელიც საქართველოს 19-წლამდელთა ნაკრების წევრია, ამ გოლამდე, ასევე იბერია 1999-თან შეხვედრაში, ოღონდ პირველი წრის მატჩში, საგოლე პასი აქვს შესრულებული.
ლოკომოტივი 0:2-ს აგებდა, ასანიძის გოლით 1:2 გახდა, საბოლოოდ კი გუნდმა სრულყოფილი ქამბექი შეასრულა და უმნიშვნელოვანესი თამაში 4:3 მოიგო.
აღსანიშნავია, რომ თამაშის ბოლო 20 წუთი სუპერ დაძაბული გამოდგა - გუნდებს შორის შეხლა-შემოხლა მოხდა, რის გამოც მსაჯმა ლოკომოტივის ორი ფეხბურთელი გააძევა, ორი კაცი გააძევა იბერიასგანაც, თუმცა მათგან ერთი სათადარიგოთა სკამზე იყო, შესაბამისად, გუნდებმა თამაში 10:9-ზე ჩაამთავრეს.
ამ გამარჯვებით, ლევან ყენიას გაწვრთნილმა ლოკომ 42 ქულა მოაგროვა და ცხრილში 3 ქულით გადაუსწრო დინამო თბილისს, რომელიც ამ ტურში ტორპედო ქუთაისს მასპინძლობს.
