VIDEO: გალამ სერიაში გაათანაბრა - შერმადინის გუნდი 1/4 ფინალის გადამწყვეტ მატჩს შინ გამართავს

გიორგი შერმადინის ლაგუნა ტენერიფე, ჩემპიონთა ლიგის 1/4 ფინალური ეტაპის საპასუხო მატჩში, თურქულ გალათასარაისთან სტუმრად დამარცხდა და მე-3 შეხვედრის გამართვა გახდა საჭირო - 62:64.

სტამბოლელები ბოლო მეოთხედში 10 ქულითაც დაწინაურდნენ, თუმცა ბოლო წუთებზე მაინც ნერვიულობა მოუწიათ და ტენერიფეს წინ გასვლაც შეეძლო. შედეგად, სერიაში ანგარიში გათანაბრდა.

შერმომ პარკეტზე 19:23 წუთი გაატარა და თავის გუნდში ყველაზე მაღალი შედეგი ჰქონდა - 12 ქულა, 4 მოხსნა. 11 ქულა ჩააგდო პეტი მილსმა. თურქების მხარეს და მთლიანად თამაშში გამორჩეული კი მათი ამერიკელი ლეგიონერი, ჯონ მიკსი გახლდათ - 17 ქულა, 6 მოხსნა.

გუნდებს შორის გადამწყვეტი, მე-3 შეხვედრა ტენერიფეში, 15 აპრილს ჩატარდება. უკვე გაირკვა მეტოქე, რომელსაც გამარჯვებული 1/2 ფინალში შეხვდება - ლიეტუვური რიტასი, რომელმაც ჩეხურ ნიმბურკს სერია 2:0-ით დაუხურა.