VIDEO: გოლი და საგოლე პასი - ჟორჟმა ოსერთან საუკეთესო შეფასება მიიღო

საფრანგეთის ლიგა 1-ის 29-ე ტურში ლიონი ოსერს ესტუმრა და 1-3 დაამარცხა. სასტარტო შემადგენლობაში იყო გიორგი მიქაუტაძე, რომელიც მატჩის ბოლო წუთზე შეცვალეს.

54-ე წუთზე ანგარიში სწორედ ქართველმა თავდამსხმელმა გახსნა პენალტის საშუალებით, რომელიც თავადვე გამოიმუშავა.

62-ე წუთზე კორენტინ ტოლისოს პასის შემდეგ სხვაობა ორამდე რაიან შერკიმ გაზარდა. 77-ე წუთზე მასპინძელთა მხრიდან ერთი ბურთი ლასინ სინაიოკომ გაქვითა.

84-ე წუთზე კი მიქაუტაძემ საგოლე გადაცემაც მიითვალა, გოლის ავტორი კი ალექსანდერ ლაკაზეტი გახდა, რომელმაც საბოლოო ანგარიში (1-3) დააფიქსირა.

ქართველმა Sofascore-სგან 8.6 შეფასება დაიმსახურა, რაც მატჩის საუკეთესო მაჩვენებელია. ჟორჟს ლიგა 1-ის მიმდინარე სეზონში 9 გოლი და 5 საგოლე გადაცემა დაუგროვდა.

ლიონმა ამ მოგებით 51 ქულა დააგროვა და სატურნირო ცხრილში ლილსა და სტრასბურგს გადაუსწრო, რითიც მე-4 ადგილზე გადაინაცვლა, მე-2 პოზიციაზე მყოფ მონაკოსთან ჩამორჩენა მხოლოდ 2 ქულაა.

54' მიქაუტაძე 0-1 (პენალტი)

84' ლაკაზეტი 1-3 (მიქაუტაძის პასი)