VIDEO: იოკიჩის მორიგი სამმაგი დუბლი - ორლანდომ დენვერს მოუგო

NBA-ის რეგულარული სეზონის მატჩში ორლანდო მეჯიქი დენვერ ნაგეტსს დაუპირისპირდა და დაძაბულ ბრძოლაში 127-126 დაამარცხა.

შეხვედრაში მონაწილეობა არ მიუღია გოგა ბითაძეს. ქართველმა ზედიზედ მე-3 მატჩი გამოტოვა.

გამარჯვებულ გუნდს ენტონი ბლექმა ულიდერა, რომელმაც 38 ქულა მიითვალა.

დენვერიდან კი გამორჩეული ნიკოლა იოკიჩი იყო, რომელმაც მორიგი სამმაგი დუბლი მიითვალა - 34 ქულა, 21 მოხსნა, 12 შედეგიანი გადაცემა.

სერბი მოთამაშე გახდა NBA-ის ისტორიაში პირველი, რომელმაც 3-მატჩიან მონაკვეთში 110+ ქულა, 40+ მოხსნა და 40+ შედეგიანი გადაცემა დააგროვა.

31 მატჩში 22 მოგებით დენვერი დასავლეთ კონფერენციაში მე-3 ადგილზეა. ორლანდო კი 32 შეხვედრაში 18 გამარჯვებით აღმოსავლეთ კონფერენციაში მე-4 ადგილს იკავებს.