VIDEO: იოკიჩის ზედიზედ მე-4 სამმაგი დუბლი - დენვერმა მემფისს მოუგო
11 სთ წინ · 0 წთ წასაკითხად
-
Aa
+
ფონტის ზომა
NBA-ის რეგულარული სეზონის მატჩში დენვერ ნაგეტსი მემფის გრიზლისს დაუპირისპირდა და 122-116 დაამარცხა.
გამარჯვებულ გუნდს ნიკოლა იოკიჩმა ულიდერა, რომელმაც ზედიზედ მე-4 სამმაგი დუბლი მიითვალა - 26 ქულა, 15 მოხსნა, 11 შედეგიანი გადაცემა.
სერბის ბოლო 4 მატჩის სტატსტიკა ასე გამოიყურება:
30 ქულა, 14 მოხსნა, 10 შედეგიანი გადაცემა
22 ქულა, 14 მოხსნა, 17 შედეგიანი გადაცემა
22 ქულა, 14 მოხსნა, 11 შედეგიანი გადაცემა
26 ქულა, 15 მოხსნა, 11 შედეგიანი გადაცემა
ჯამში კი ეს ნიკოლა იოკიჩისთვის ამ სეზონში მე-20 სამმაგი დუბლია. შეგახსენებთ, რომ დენვერის ლიდერმა ტრავმის გამო 16 მატჩი გამოტოვა.
რამდენიმე დღის წინ იოკიჩმა ყველა დროის სიაში სამმაგი დუბლების რაოდენობით ოსკარ რობერტსონს გადაასწრო და მე-2 ადგილზე გადაინაცვლა. მასზე წინ მხოლოდ რასელ უესტბრუკია.
დენვერი 55 მატჩში მოპოვებული 35 გამარჯვებით დასავლეთ კონფერენციაში მე-3 ადგილზეა და ოკლაჰომა სიტი თანდერსა და სან ანტონიო სპურსს ჩამორჩება.
