გოგა ბითაძე ორლანდო მეჯიქის შემადგენლობაში ბოლო დროს სულ უფრო იშვიათად ჩნდება.
ფლორიდელებმა მილუიკი ბაქსის 118:99 მოუგეს, გოგა კი განაცხადში იყო, მაგრამ მოედანზე გასვლის საშუალება კვლავ არ მისცემია.
საერთოდ, ბოლო 8 შეხვედრის ჯამში, ბითაძეს პარკეტზე 14:36 წუთი აქვს გატარებული, 8-დან 6 მატჩში კი სათადარიგოთა სკამიდან არ წამომდგარა.
იწერებოდა, რომ ორლანდოელებს გოგას გაშვება სურდათ, გარიგება არ შედგა და ახლა ჯამალ მოზლი მას სულ უფრო და უფრო ნაკლებ სათამაშო დროს აძლევს.
მეჯიქმა 52-ე შეხვედრაში 28-ე გამარჯვება იზეიმა და აღმოსავლეთ კონფერენციის მე-7 ადგილზეა.
გუნდი მომდევნო თამაშს, 12 თებერვლის 04:00 საათზე, ისევ მილუოკი ბაქსისთან და ისევ შინ გამართავს.
