VIDEO: პსჟ-მ ლივერპულს ენფილდზეც მოუგო - კვარა მხოლოდ მბაპეს ჩამორჩება
2 სთ წინ · 0 წთ წასაკითხად
-
Aa
+
ფონტის ზომა
ჩემპიონთა ლიგის 1/4 ფინალში, ქართველების დაპირისპირება ხვიჩა კვარაცხელიას გამარჯვებით დასრულდა.
პსჟ-მ გიორგი მამარდაშვილის ლივერპულს, პარიზული 2:0-ის შემდეგ, ენფილდზეც ამავე ანგარიშით მოუგო - ორივე გოლი ოქროს ბურთის მოქმედმა გამარჯვებულმა, უსმან დემბელემ შეაგდო. პირველი გოლისას, საგოლე პასი ხვიჩა კვარაცხელიამ გააკეთა, მეორე გოლისას კი პრე-ასისტი ჰქონდა და ბოლო გადაცემა ბრედლი ბარკოლამ შეასრულა.
ქართველმა ვარსკვლავმა ჩემპიონთა ლიგის მიმდინარე სეზონში მე-13 საგოლე მოქმედება შეასრულა - 8 გოლი, 5 ასისტი. მასზე უფრო მეტი საგოლე მოქმედება მხოლოდ კილიან მბაპეს აქვს - 14 გოლი, 1 ასისტი. 13 საგოლე მოქმედება აქვს ხულიან ალვარესსაც - 9 გოლი და 4 ასისტი.
პარი სენ ჟერმენი ჩემპიონთა ლიგის 1/2 ფინალში ზედიზედ მე-3 სეზონში ითამაშებს. მეტოქე ბაიერნისა და რეალ მადრიდის ხვალინდელი საპასუხო მატჩის შემდეგ გაირკვევა.
