VIDEO: ისტორიული შედეგი - არგენტინამ სახლში ახალი ზელანდია პირველად დაამარცხა

რაგბიში 4 ერის ტურნირი მიმდინარეობს.

ტურნირში ტრადიციულად მონაწილეობას არგენტინა, ახალი ზელანდია, ავსტრალია და სამხრეთ აფრიკა იღებენ.

მეორე ტურში არგენტინამ ბუენოს აირესში ახალი ზელანდია მიიღო და სენსაციურად 29-23 დაამარცხა.

არგენტინელთა მხრიდან ლელოები გონსალესმა და გარსიამ დადეს, საჯარიმო დარტყმები და გარდასახვები კი ზუსტად ალბორნოსმა, მალიამ და კარერასმა შეასრულეს. ოლ ბლექსის მხრიდან ლელოებით თავი პროქტორმა, ნიუელმა და ტაუკეიაჰომ გამოიჩინეს, ჯარიმები და გარდასახვები კი ბარეტმა და მაკკენზიმ ჩაიწერეს აქტივში.

არგენტინის ნაკრებისთვის ეს ისტორიული შედეგია. მათ ახალი ზელანდია სახლში პირველად დაამარცხეს.

პუმებმა ოლ ბლექსი 1985 წლიდან მოყოლებული სახლში 16-ჯერ მიიღეს და ახლაღა მოახერხეს მათთან გამარჯვების მოპოვება. ისე კი მათ 41 ურთიერთდაპირისპირებაში არგენტინელებმა მეოთხედ მოიგეს ახალი ზელანდიის წინააღმდეგ. მათ შორის ბოლო გამარჯვებები კი 2020 და 2022 წლებში ფიქსირდება.

2-2 მატჩის შემდეგ 4 ერში მონაწილე გუნდებს თითო მოგება და თითო მარცხი აქვთ.