საუდის არაბეთში ერთმანეთს ენტონი ჯოშუა და ფრენსის ნგანუ დაუპირისპირდნენ.
ორი მძიმეწონოსანის ბრძოლა მალე დასრულდა, კრივის გამოცდილებამ თავისი გააკეთა.
მძიმე წონის 2-გზის მსოფლიო ჩემპიონმა ენტონი ჯოშუამ თავისი 31-ე ბრძოლა UFC-ის ყოფილ ვარსკვლავ ფრენსის ნგანუსთან ჩაატარა, რომლისთვისაც ეს კრივში მე-2 ბრძოლა იყო.
გასაგები მიზეზების გამო ფავორიტად სწორედ ჯოშუა მიიჩნეოდა.
ნგანუმ თავის პირველ ბრძოლაში მძიმე წონის მოქმედი ჩემპიონი ტაისონ ფიური დაანოკდაუნა, თუმცა საბოლოოდ ბრძოლა გაყოფილი გადაწყვეტილებით წააგო. ამ დაპირისპირებამ, როგორც ჩანს, ჯოშუას ყურადღებაც მიიქცია.
ბრძოლა თავიდანვე ენტონის უპირატესობით მიმდინარეობდა და პირველ რაუნდში ნგანუ ნოკდაუნშიც გაუშვა, მეორე რაუნდში კი ბრიტანელმა საქმე ბოლომდე მიიყვანა, იყო კიდევ ერთი ნოკდაუნი, რომელსაც ფრენსისი გადაურჩა, თუმცა მესამე მძიმე დარტყმამ უკვე ყველაფერი გადაწყვიტა და ჯოშუამ ბრძოლა ნოკაუტით მოიგო.
"ის დიდებული ჩემპიონია და დღევანდელი ბრძოლა მის შესაძლებლობებს არ აკნინებს. მას კვლავ შეუძლია დაბრუნდეს. ვუთხარი, რომ კრივი არ დატოვოს. მას ამის კეთება კარგად შეუძლია. ჯერ 2 ბრძოლა ჩაატარა და მხოლოდ საუკეთესოებს დაუპირისპირდა. მას დიდი გზის გავლა შეუძლია, თუ საქმეს გულმოდგინედ მიუდგება, მაგრამ ეს მასზეა დამოკიდებული." - განაცხადა ენტონი ჯოშუამ ბრძოლის შემდეგ ფრენსის ნგანუზე.
ამ გამარჯვების შემდეგ ჯოშუას სტატისტიკა კარიერაში 28-3 არის, საიდანაც 25 ნოკაუტია.
