VIDEO: კურიოზის გამო ჩაშლილი ზეიმი - რონალდუს გუნდის გაჩემპიონება გადაიდო

საუდის არაბეთის პრო ლიგის 33-ე ტურში ჩემპიონატის ლიდერები, კრიშტიანუ რონალდუს ალ ნასრი და კარიმ ბენზემას ალ ჰილალი დაუპირისპირდნენ ერთმანეთს.

ალ ნასრს 2018/19 წლების შემდეგ პირველი ჩემპიონობის გასანაღდებლად გამარჯვება სჭირდებოდა.

პირველ ტაიმში ალ ნასრი სიმაკანის გოლით დაწინაურდა და უპირატესობა თითქმის მატჩის ბოლომდე შეინარჩუნა. 

შეხვედრის მიწურულს, ბოლო, მე-8 დამატებულ წუთზე მოწოდებულ სტანდარტს ალ ნასრის საჯარიმოში გაუგებრობა მოჰყვა - ინიგო მარტინესმა და ბენტომ ერთმანეთს ვერ გაუგეს და ბურთი კურიოზულად მათ კარში აღმოჩნდა.

ეს კი იმას ნიშნავს, რომ ალ ნასრის გაჩემპიონება ბოლო ტურამდე გადაიდო - ბოლო ტურში გუნდს დამაცის წინააღმდეგ აქვს საკუთარ კედლებში მოსაგები, რომელიც თავის მხრივ გადარჩენისთვის იბრძვის.

თუმცა, თუ 16 მაისს ალ ჰილალი ნეომს ვერ მოუგებს, ალ ნასრი ჩემპიონობას მოედანზე გასვლის გარეშევე იზეიმებს.

1-0 სიმაკანი 37'

1-1 ბენტო 90+8'