ელ კლასიკო მხოლოდ ფეხბურთი არ არის - ეს არის სცენა, სადაც ლეგენდები იწერება როგორც გოლებით, ისე მათი აღნიშვნის სტილით.
წარმოგიდგენთ 5 აღნიშვნას, რომლებმაც ამ დაპირისპირების ისტორიაში წარუშლელი კვალი დატოვეს.
რაულის დუმილი კამპ ნოუზე (1999)
აბსოლუტური კლასიკა: 1999 წლის ოქტომბერში, მადრიდის რეალი კატალონიაში დიდ წნეხს განიცდიდა. რაულ გონსალესმა მატჩის მიწურულს ანგარიში გაათანაბრა (2:2) და ყვირილის ნაცვლად, საჩვენებელი თითი ტუჩებთან მიიტანა. ამ ჟესტით მან ერთ წამში 100,000 ადამიანი დაადუმა.
კრიშტიანუ რონალდუ: "Calma, Calma" (2012)
ჟოზე მოურინიოს რეალი ტიტულისკენ მიიწევდა. რონალდუმ კამპ ნოუზე გამარჯვების გოლი გაიტანა და ხელის მოძრაობით კატალონიურ პუბლიკას სიმშვიდისკენ მოუწოდა: „დამშვიდდით, მე აქ ვარ“. ეს აღნიშვნა მოგვიანებით ვიდეოთამაშებშიც კი დაამატეს.
ლიონელ მესი: მაისური, რომელმაც ინტერნეტი დაიპყრო (2017)
შესაძლოა, ათწლეულის ყველაზე შთამბეჭდავი კადრი: 2017 წლის აპრილში, მესიმ ბოლო წამზე გამარჯვების გოლი (3:2) გაიტანა. შოკირებული სანტიაგო ბერნაბეუს წინაშე არგენტინელმა მაისური გაიხადა და მადრიდელ ფანებს აჩვენა, თითქოს ეუბნებოდა: „არასოდეს დაგავიწყდეთ, ვინ არის აქ უფროსი“.
კრიშტიანუ რონალდუ: პასუხი მესის (2017)
მესის ჟესტიდან რამდენიმე თვეში, ესპანეთის სუპერთასზე, რონალდუმ შური იძია. ბრწყინვალე გოლის შემდეგ მან მაისური გაიხადა და არგენტინელი მეტოქის აღნიშვნის იმიტაცია გააკეთა.
ხერარდ პიკე: "Manita" (2010)
როდესაც გვარდიოლას ბარსელონამ მოურინიოს რეალს ფეხბურთის გაკვეთილი ჩაუტარა (5:0), ხერარდ პიკემ კამპ ნოუს ტრიბუნებისკენ ხუთი თითი აღმართა. ეს „მანიტა“ იმ დროისთვის კატალონიური დომინაციის სიმბოლოდ იქცა.
ამ სიას უკვე შეემატა 2026 წლის 11 მაისიც, როდესაც ბარსელონამ მადრიდის რეალი კიდევ ერთხელ დაამარცხა, ლა ლიგის ტიტული ოფიციალურად გაინაღდა და ჩემპიონობა უშუალოდ მოსისხლე მტრის თვალწინ, ემოციურად აღნიშნა.
VIDEO: კლასიკო მოგებულია - ბარსელონა ლა ლიგის ჩემპიონია
