მადრიდის რეალმა კამპ ნოუზე ბრძოლა აჩვენა, თუმცა უშედეგოდ - სამეფო კლუბი 2:0 დამარცხდა და უყურა, როგორ აღმართა მათმა დაუძინებელმა მეტოქემ საჩემპიონო თასი.
ბარსელონა მთელი მატჩის განმავლობაში დომინირებდა, რამაც კიდევ ერთხელ გაუსვა ხაზი ამ გუნდებს შორის არსებულ კლასობრივ სხვაობას.
მატჩის დასაწყისშივე მარკუს რაშფორდმა საჯარიმო დარტყმით ანგარიში გახსნა, მალევე კი ფერან ტორესმა სხვაობა ორამდე გაზარდა. მადრიდელები პერიოდულად სახიფათოდ უტევდნენ, თუმცა პედრისა და გავის დუეტმა მოედნის ცენტრი მთლიანად გააკონტროლა, ვინიისიუს ჟუნიორი კი მატჩიდან სრულიად ამოთიშეს.
მადრიდელთაგან ყველაზე ახლოს გოლთან ჯუდ ბელინგემი იყო, მაგრამ მისი გოლი თამაშგარე მდგომარეობის გამო არ ჩაითვალა. ალვარო არბელოას გუნდმა მძიმე კვირის შემდეგ ხასიათი გამოავლინა, თუმცა მეტოქემ ისინი ყველა კომპონენტში დაჩრდილა.
მადრიდის რეალის მოთამაშეების შეფასებები:
კურტუა (6): გოლებში ბრალი არ მიუძღვის, რამდენიმე კარგი სეივიც ჰქონდა.
ალექსანდრ-არნოლდი (6): დაცვაში ეფექტური იყო, თუმცა გრძელ გადაცემებზე ყურადღება აკლდა.
ასენსიო (5): მეორე გოლისას პოზიცია დაკარგა, დაცვაში ქაოსურად გამოიყურებოდა.
რუდიგერი (6): ბევრი სამუშაო არ ჰქონია, რამდენჯერმე ბურთი საიმედოდ გამოიტანა.
ფრან გარსია (7): რაშფორდთან საინტერესო დუელი ჰქონდა და საკმაოდ აქტიური იყო.
ჩუამენი (6): სკანდალური კვირის შემდეგ სოლიდურად ითამაშა, თუმცა ბარსას ნახევარდაცვას ვერ გაუმკლავდა.
კამავინგა (5): ბევრი ირბინა, მაგრამ შეტევაში გუნდს ვერაფერი შესძინა.
ბრაიმ დიასი (4): ბევრი იაქტიურა, მაგრამ მისი გადაწყვეტილებები კრიტიკას ვერ უძლებდა.
ბელინგემი (7): გუნდის ერთადერთი გამონათება; ჭკვიანურად უტევდა და გოლიც გაიტანა (თამაშგარედან).
გონსალო გარსია (5): ბურთთან შეხება თითქმის არ ჰქონია.
ვინისიუს ჟუნიორი (5): თავის სტანდარტებთან შედარებით ძალიან ჩუმად იყო, კარისკენ არც კი დაურტყამს.
მწვრთნელი: ალვარო არბელოა (4): ტიტულის დაკარგვის ძალიან მტკივნეული გზა. გუნდმა იბრძოლა, მაგრამ კლასში აშკარად დაიჩაგრა.
VIDEO: კლასიკო მოგებულია - ბარსელონა ლა ლიგის ჩემპიონია
