VIDEO: კუციას გამარჯვების გოლი - იბერიას მნიშვნელოვანი 3 ქულა სამგურალთან
41 წთ წინ · 0 წთ წასაკითხად
-
Aa
+
ფონტის ზომა
ეროვნული ლიგის 33-ე ტურის ეგიდით ჩატარებულ მატჩში იბერია 1999 წყალტუბოში სამგურალს ესტუმრა.
შეხვედრის ბედი ერთადერთმა გოლმა გადაწყვიტა. მე-17 წუთზე, ნიკოლოზ დადიანის საჯარიმოში ჩაწოდების შემდეგ, გიორგი კუციამ თავური დარტყმით ანგარიში გახსნა.
32-ე წუთზე სამგურალი კიდევ უფრო რთულ სიტუაციაში ჩავარდა. ირაკლი სირაძემ წითელი ბარათი მიიღო და მასპინძლები 10 კაცით დარჩნენ.
მატჩის დარჩენილ ნაწილში ანგარიში აღარ შეცვლილა და იბერია 1999-მა წყალტუბოში 0-1 იმარჯვა.
ამ გამარჯვებით ლევან კორღალიძის გუნდმა 63 ქულა დააგროვა და ეროვნულ ლიგის ცხრილს კვლავ სათავეში უდგას, მეორეადგილოსან დინამო თბილისს (59 ქულა) კი 4 ქულით უსწრებს.
დღეს ეროვნულ ლიგაში კიდევ ერთი მატჩი გაიმართება, სადაც ასევე ჩემპიონობისთვის მებრძოლი დინამო ბათუმი, რომელსაც დინამო თბილისის მსგავსად 59 ქულა აქვს, რუსთავს უმასპინძლებს.