VIDEO: კვარაცხელიას დუბლი - პარი სენ-ჟერმენმა რენი გაანადგურა
06 დეკ, 2025 · 0 წთ წასაკითხად
-
Aa
+
ფონტის ზომა
საფრანგეთის ლიგა 1-ის მე-15 ტურის მატჩში პარი სენ-ჟერმენმა პარკ დე პრენსზე რენი მიიღო.
მასპინძელთა სასტარტო შემადგენლობაში იყო ხვიჩა კვარაცხელია, რომელმაც მოედანზე 71 წუთი გაატარა.
შეხვედრაში ანგარიში სწორედ ქართველმა გახსნა. 28-ე წუთზე ხვიჩამ ბრწყინვალე გოლით გაიყვანა წინ თავისი გუნდი. 39-ე წუთზე სენი მაიულუმ სხვაობა ორამდე გაზარდა, პარიზელებმა კი პირველი ტაიმი 2-0 მოიგეს.
მეორე ტაიმში კვარაცხელიამ კიდევ ერთი გოლი გაიტანა და დუბლი შეასრულა. 67-ე წუთზე სტუმართა შეცდომის შემდეგ, მაიულუმ ქართველს პასი გაუკეთა და კვარამაც დარტყმა ზუსტად შეასრულა.
მატჩის ბოლოს პარიზელებმა კიდევ 2 გოლის გატანა შეძლეს. 88-ე წუთზე იბრაჰიმ მბაიემ გამოიჩინა თავი, კომპენსირებულ დროში კი გონსალუ რამოშმა დაუსვა შეხვედრას წერტილი (5-0).
ქართველმა შემტევმა 71 წუთში Sofascore-სგან 9.7 შეფასება დაიმსახურა და მატჩის საუკეთესო მოთამაშეც გახდა.
პარი სენ-ჟერმენს 15 ტურის შემდეგ 33 ქულა აქვს და სატურნირო ცხრილში ლიდერ ლანსს 1 ქულით ჩამორჩება. ხვიჩა კვარაცხელიას ანგარიშზე კი ლიგა 1-ის მიმდინარე სეზონში 3 გოლი და 3 საგოლე პასია.
