VIDEO: ლამაზი გოლები ჩემპიონთან - რუსთავი გალიდერდა

საქართველოს ჩემპიონატის მე-18 ტურში მოქმედი ჩემპიონი იბერია 1999 მიხეილ მესხის სტადიონზე რუსთავს დაუპირისპირდა.

42-ე წუთზე მასპინძლები ამირან ძაგანიამ დააწინაურა და თბილისურ გუნდს ტაიმი მოაგებინა.

მეორე ტაიმში რუსთავმა თამაშში დაბრუნება მოახერხა და მე-60 წუთზე პრინს ოსეიმ ლამაზი გოლით ანგარიში გაათანაბრა.

სტუმრებმა გამარჯვების გოლი 90-ე წუთზე გაიტანეს. ვაჟა ფაცაციამ თავისი ნახევრიდან თორნიკე მეგრელიშვილის კარი საოცარი გოლით აიღო და რუსთავს მნიშვნელოვანი 3 ქულა მოუტანა.

ამ გამარჯვებით ეროვნულ ლიგაში წელს დაწინაურებული გუნდი 32 ქულთ სატურნირო ცხრილში გალიდერდა და იბერიას 1 ქულით გაასწრო.