არსენალი ბართიშვილის ტრანსფერზე მუშაობს

არსენალი საქართველოს ახალგაზრდული ნაკრების ფეხბურთელის, ანდრია ბართიშვილის, შესაძენად ოფიციალური შეთავაზების გაკეთებას აპირებს.

17 წლის ფეხბურთელს კოლხეთი 1913-თან კონტრაქტი 2026 წლის ბოლომდე აკავშირებს და ცნობილია, რომ „მეთოფეები“ ახალგაზრდა ტალანტისთვის წინასწარი კონტრაქტის შეთავაზებას ამზადებენ.

ტრანსფერთან დაკავშირებით მოლაპარაკებები მიმდინარეობს, თუმცა ბართიშვილის დამატებით მხოლოდ არსენალი არ არის დაინტერესებული.

უნივერსალური შემტევი ნახევარმცველი მიმდინარე სეზონში იჯარით იბერია 1999-ში თამაშობს და გუნდთან ერთად საქართველოს ჩემპიონატში მეორე ადგილზეა, ლიდერ რუსთავთან ჩამორჩენა კი მხოლოდ ერთი ქულაა.

ბართიშვილი ქართულ ფეხბურთში ერთ-ერთ ყველაზე პერსპექტიულ ტალანტად მიიჩნევა. მის მიმართ ინტერესს რამდენიმე იტალიური კლუბიც იჩენს, მათ შორის ტურინის იუვენტუსი.

ინფორმაციას BBC Sport ავრცელებს.