VIDEO: მერკვილაძის შესანიშნავი მატჩი - ქართველის ორმაგი დუბლი!
21 წთ წინ · 0 წთ წასაკითხად
-
Aa
+
ფონტის ზომა
ალექსანდრე მერკვილაძემ ჩრდილოეთ ევროპის საკალათბურთო ლიგაში (ENBL) ბრწყინვალე შეხვედრა ჩაატარა.
მისმა ნიდერლანდურმა კლუბმა, გრონინგენმა კვიპროსულ აელ-ს დაძაბულ ბრძოლაში, მინიმალური სხვაობით - 83:81 სძლია.
ქართველი კალათბურთელი პარკეტზე საუკეთესო იყო და მატჩის MVP-ის ტიტულიც დაიმსახურა. მერკვილაძემ თამაშში 35 წუთი გაატარა, რა დროშიც 21 ქულა და 12 მოხსნა მოაგროვა.
აღსანიშნავია, რომ ეს მიღწევა ალექსანდრესთვის როგორც პროფესიულ კარიერაში, ისე დონარ გრონინგენის რიგებში პირველი ოფიციალური ორმაგი დუბლია.
ამ გამარჯვების შემდეგ გრონინგენი ENBL-ის B ჯგუფში 3 მოგებითა და 2 მარცხით მეორე პოზიციას იკავებს. ჩრდილოეთ ევროპის ლიგაში კლუბმა მიმდინარე კალენდარული წელი უკვე დაასრულა და მომდევნო შეხვედრას 6 იანვარს, სტუმრად ნორვეგიულ ფილინგენთან გამართავს.
მანამდე კი, 15 ნოემბერს, მერკვილაძის გუნდი ნიდერლანდებისა და ბელგიის გაერთიანებულ (BNXT) ლიგაში როტერდამს ეწვევა, სადაც 3 მოგებითა და 3 წაგებით ამჟამად მერვე ადგილზე იმყოფება.
