VIDEO: ოკლაჰომამ დენვერს გაუთანაბრა, ინდიანა კონფერენციის ფინალთან ერთ ნაბიჯშია

NBA-ს პლეიოფში მორიგი მატჩები გაიმართა.

მე-4 მატჩი შედგა დენვერ ნაგეთსსა და ოკლაჰომა სიტი თანდერს შორის, რომელიც ამ უკანასკნელის გამარჯვებით 87-92 დასრულდა და სერიაში ანგარიში გათანაბრდა (2-2).

მოგებულ გუნდს შაი გილჯეს-ალექსანდერმა ულიდერა 25 ქულით, ნიკოლა იოკიჩის ანგარიშზე კი 27 ქულა და 13 მოხსნა იყო.

გუნდებს შორის მე-5 მატჩი 14 მაისს გაიმართება.

სერიის დასრულებასთან ერთ ნაბიჯშია ინდიანა პეისერსი, რომელმაც კლივლენდ კავალიერსს 129-109 მოუგო და საერთო ანგარიში 3-1 გახადა.

ინდიანას პასკალ სიაკამმა (21 ქულა), ობი ტოპინმა (20 ქულა) და მაილს ტერნერმა (20 ქულა) ულიდერეს.

სერიის მორიგი მატჩი 14 მაისს შედგება და პეისერსი კონფერენციის ფინალში გასვლას შეეცდება.