VIDEO: პირველად NBA-ს ისტორიაში - იოკიჩის საოცარი სამმაგი დუბლი

NBA-ს რეგულარული სეზონის მატჩში დენვერ ნაგეთსი ფინიქს სანსს დაუპირისპირდა და ოვერტაიმში 149-141 დაამარცხა.

გამარჯვებულ გუნდს ნიკოლა იოკიჩმა ულიდერა, რომელმაც მორიგი სამმაგი დუბლი მიითვალა - 31 ქულა, 21 მოხსნა და 22 შედეგიანი გადაცემა.

ეს ისტორიული შედეგია, რადგან NBA-ში პირველად დააფიქსირა მოთამაშემ 30+ ქულა, 20+ მოხსნა და 20+ შედეგიანი გადაცემა ერთ მატჩში.

ამასთან NBA-ს ისტორიაში ერთ თამაშში დაგროვებული 22 ასისტი ცენტრებს შორის საუკეთესო შედეგია.

დენვერი 63 მატჩში 41 გამარჯვებით დასავლეთ კონფერენციაში მე-3 ადგილზეა, ნაგეთსზე წინ მხოლოდ ოკლაჰომა სიტი თანდერი და ლოს ანჯელეს ლეიკერსი არიან.