VIDEO: პოლონეთი დამარცხებულია - შვედეთი მსოფლიო ჩემპიონატზე ითამაშებს

2026 წლის მსოფლიო ჩემპიონატის შესარჩევი ეტაპის ფინალში შვედეთის ნაკრებმა საკუთარ კედლებში პოლონეთი მიიღო.

შეხვედრაში ანგარიში მე-19 წუთზე მასპინძელთა მხრიდან ანტონი ელანგამ გახსნა, 33-ე წუთზე კი ნიკოლა ჟალევსკიმ გაათანაბრა. 44-ე წუთზე გუსტაფ ლაგერბილკემ შვედები კვლავ დააწინაურა და თავის გუნდს პირველი ტაიმი მოაგებინა.

55-ე წუთზე კაროლ სვიდერსკიმ ისევ აღადგინა წონასწორობა. მატჩი ფრედ დასრულებასთან ახლოს იყო, თუმცა შვედების მხრიდან თავი ნახევარფინალის გმირმა გამოიჩინა.

უკრაინასთან ჰეთ-თრიქის შემსრულებელი ვიქტორ გიოკერესი კვლავ მხსნელად მოევლინა შვედეთის ნაკრებს და 88-ე წუთზე პოლონეთს გამარჯვების გოლი გაუტანა.

2018 წლის ტურნირზე 1/4 ფინალში გასვლისა და 2022 წლის ტურნირის გამოტოვების შემდეგ სკანდინავიელები მსოფლიო ჩემპიონატზე დაბრუნდნენ.

19' ელანგა 1-0

33' ჟალევსკი 1-1

44' ლაგერბილკე 2-1

55' სვიდერსკი 2-2

88' გიოკერესი 3-2