VIDEO: პსჟ-მ სუპერ თასი მოიგო! - რომელი კლუბების რეკორდი გაიმეორა?
40 წთ წინ · 0 წთ წასაკითხად
-
Aa
+
ფონტის ზომა
უეფა-ს სუპერ თასის 2026 წლის გათამაშება ხვიჩა კვარაცხელიას პსჟ-ს ჩემპიონობით დასრულდა - პარიზელებმა ბირმინგემის ასტონ ვილას 2:1 მოუგეს.
ანგარიში მე-20 წუთზე კვარაცხელიამ გახსნა, რასაც პირველსავე ტაიმში (45-ე წუთზე) ბრაიან მადჯომ უპასუხა და, 17 წლისა და 212 დღის ასაკში, ევროპული ფეხბურთის ფინალებში გამტანი ყველაზე ახალგაზრდა მოთამაშე გახდა - იგულისხმება უეფა-ს ნებისმიერი ევროტურნირი (ვრცლად ამ თემაზე).
გამარჯვებისა და ტიტულის მომტანი გოლი დეზირე დუეს ანგარიშზეა - 61-ე წუთზე, მას საგოლე გადაცემა შეცვლაზე შესულმა უსმან დემბელემ გაუკეთა. მატჩის საუკეთესო ფეხბურთელად სწორედ დუე დაასახელეს.
მილანისა (1989; 1990) და რეალ მადრიდის (2016; 2017) შემდეგ, პსჟ ისტორიაში მე-3 კლუბია, რომელმაც უეფა-ს სუპერ თასი ზედიზედ მოიგო. პარიზელებმა გასულ წელს ტიტული ტოტენჰემთან გამარჯვებით მოიპოვეს.
ხვიჩა კვარაცხელიასთვის უეფა-ს სუპერ თასი კარიერაში მე-8 ტურნირია, რომელზეც გოლი გაიტანა (ვრცლად ამ თემაზე). ასევე, ქართველმა ვარსკვლავმა კარიერაში მე-12 ტიტული მოიპოვა.
პსჟ-მ უეფა-ს სუპერ თასი ისტორიაში მეორედ მოიგო - რეალ მადრიდი 6-გზის ჩემპიონია, ბარსელონა და მილანი 5-5-გზის, ლივერპული - 4-გზის, ხოლო ატლეტიკო მადრიდი - 3-გზის.
