უეფა-ს სუპერ თასის 2026 წლის გათამაშება ხვიჩა კვარაცხელიას პსჟ-ს ჩემპიონობით დასრულდა - პარიზელებმა ბირმინგემის ასტონ ვილას 2:1 მოუგეს, ერთ-ერთი გოლი კი კვარას ანგარიშზეა.
"საღამოს, როდესაც მზის დაბნელებამ ევროპის დიდი ნაწილი დროებით სიბნელეში დატოვა, სწორედ ხვიჩა კვარაცხელიამ, გასულ სეზონში პარიზის გმირმა გაანათა ზალცბურგის სტადიონი.
ქართველმა ვარსკვლავმა დეზირე დუეს პასი მიიღო, შემდეგ კი კარისკენ გაიწია და მარკო ბიზოს საფირმო დარტყმით გაუტანა", - ასე აღწერს ქართველის გოლს უეფა-ს ოფიციალური ვებგვერდი.
რატომ იწყება უეფა-ს ტექსტი მზის დაბნელებით?.. CNN-ის ინფორმაციით, ევროპაში იშვიათი ასტრონომიული მოვლენა, მზის სრული დაბნელება დაფიქსირდა, რაც ბოლოს 1905 წელს იყო მომხდარი. NASA-ს გამოთვლებით, მზე სრულად 2027 წლის 2 აგვისტოსაც დაბნელდება.
ხვიჩა კვარაცხელიასთვის უეფა-ს სუპერ თასი კარიერაში მე-8 ტურნირია, რომელზეც გოლი გაიტანა (ვრცლად ამ თემაზე). ასევე, ქართველმა ვარსკვლავმა კარიერაში მე-12 ტიტული მოიპოვა (ვრცლად ამ თემაზე).
მილანისა (1989; 1990) და რეალ მადრიდის (2016; 2017) შემდეგ, პსჟ ისტორიაში მე-3 კლუბია, რომელმაც უეფა-ს სუპერ თასი ზედიზედ მოიგო. პარიზელებმა გასულ წელს ტიტული ტოტენჰემთან გამარჯვებით მოიპოვეს.
პსჟ-მ უეფა-ს სუპერ თასი ისტორიაში მეორედ მოიგო - რეალ მადრიდი 6-გზის ჩემპიონია, ბარსელონა და მილანი 5-5-გზის, ლივერპული - 4-გზის, ხოლო ატლეტიკო მადრიდი - 3-გზის.
68-წლიანი რეკორდი დამხობილია! - ევროპა ქართველების ექს-თანაგუნდელზე ლაპარაკობს
