მერამდენე ფინალს თამაშობს ბასილაშვილი კარიერაში? - როგორია შედეგები

ნიკოლოზ ბასილაშვილმა ალმატის 250-ქულიან ტურნირზე ზედიზედ 6 შეხვედრა მოიგო და ტიტულის მოგებამდე ერთი ნაბიჯი აშორებს.

ქართველმა ჩოგბურთელმა საკვალიფიკაციო ეტაპზე გამარჯვება იზეიმა, ძირითად ბადეში კი მარინ ჩილიჩს, ფაკუნდო დიას აკოსტას, ადრიან მანარინოსა და სტეფანოს ციციპასს აჯობა, რითაც ფინალში მსოფლიოს მე-5 ჩოგან დანიილ მედვედევზე გავიდა.

ბასილაშვილისთვის ATP-ის ტურნირებზე მე-10 ფინალია - 5-ჯერ ტიტული მოიგო (2-ჯერ ჰამბურგში, პეკინში, დოჰასა და მიუნხენში), ხოლო 4-ჯერ უფრო ძლიერი მეტოქე აღმოჩნდა.

2016 წლის ივლისი - კიტცბიუელის 250-ქულიანი ტურნირი V პაოლო ლორენცი (იტალია) - 3:6; 4:6;

2017 წლის თებერვალი - მემფისის 250-ქულიანი ტურნირი V რაიან ჰარისონი (აშშ) - 1:6; 4:6;

2018 წლის ივლისი - ჰამბურგის 500-ქულიანი ტურნირი V ლეონარდო მაიერი (არგენტინა) - 6:4; 0:6; 7:5;

2018 წლის ოქტომბერი - პეკინის 500-ქულიანი ტურნირი V ხუან მარტინ დელ პოტრო (არგენტინა) - 6:4; 6:4;

2019 წლის ივლისი - ჰამბურგის 500-ქულიანი ტურნირი V ანდრეი რუბლიოვი (რუსეთი) - 7:5; 4:6; 6:3;

2021 წლის მარტი - დოჰას 250-ქულიანი ტურნირი V რობერტო ბაუტისტა აგუტი (ესპანეთი) - 7:6; 6:2;

2021 წლის მაისი - მიუნხენის 250-ქულიანი ტურნირი V იან-ლენარტ შტრუფი (გერმანია) - 6:4; 7:5;

2021 წლის ოქტომბერი - ინდიან უელსის 1000-ქულიანი ტურნირი V კამერონ ნორი (დიდი ბრიტანეთი) - 6:3; 4:6; 1:6;

2022 წლის თებერვალი - დოჰას 250-ქულიანი ტურნირი V რობერტო ბაუტისტა აგუტი (ესპანეთი) - 3:6; 4:6.

შედარებისთვის, მედვედევს კარიერაში 44 ფინალი აქვს ნათამაშები და მათგან 24-ჯერ ტიტული მოიპოვა. მათ შორის, გასული წლის ალმატის ტურნირის გამარჯვებულია და წელს ტიტულის დასაცავად იბრძვის.

ნიკოლოზ ბასილაშვილისა და დანიილ მედვედევის ფინალური მატჩი 25 ოქტომბერს, თბილისის დროით 14:00 საათიდან დაიწყება. ურთიერთშეხვედრებში მედვედევი 1:0-ს იგებს (2022 წელს, ვენაში გაიმარჯვა).

მეტოქე გაირკვა - ვის შეხვდება ნიკოლოზ ბასილაშვილი ფინალში?