VIDEO: რთულად, მაგრამ ისევ გამარჯვებით - რეალმა ბენფიკას მეორე მატჩიც მოუგო

რეალ მადრიდმა ჟოზე მოურინიოს ბენფიკას ჩემპიონთა ლიგის პლეი-ინის განმეორებითი მატჩიც მოუგო და 1/8 ფინალში გავიდა.

ლისაბონში 0:1 მარცხის შემდეგ, პორტუგალიელებმა რაფა სილვას გოლით ორ თამაშში ანგარიში გაათანაბრეს, რის შემდეგაც ჩუამენიმ და ვინისიუსმა შეაგდეს - 2:1. მადრიდელთა ორივე გოლისას პასი ფედე ვალვერდემ გააკეთა.

ცნობისთვის, მადრიდული გრანდი ჩემპიონთა ლიგის 1/8 ფინალში 1996-97 წლების სეზონიდან მოყოლებული ყოველ გათამაშებაში გადის.

ალვარო არბელოას გუნდი 1/8 ფინალში კიდევ ერთ ლისაბონურ კლუბ სპორტინს ან მანჩესტერ სიტის შეხვდება.