ინგლისის კარაბაო თასის 1/2 ფინალის პირველ მატჩში ნიუკასლმა საკუთარ მოედანზე მანჩესტერ სიტი მიიღო და 0-2 დამარცხდა.
შეხვედრის პირველი ტაიმი უგოლოდ დასრულდა, მეორე ტაიმში კი ანგარიში ანტუან სემენიომ გახსნა, რომელმაც ზედიზედ მეორე მატჩში შეძლო გოლის გატანა.
თამაშს წერტილი კომპენსირებულ დროში რაიან შერკიმ დაუსვა, რომელმაც აიტ ნურის პასის შემდეგ გამოიჩინა თავი და საბოლოო ანგარიში დააფიქსირა.
სიტიმ გუნდებს შორის საპასუხო მატჩის წინ კომფორტული უპირატესობა მოიპოვა. ეტიჰადზე განმეორებითი შეხვედრა 5 თებერვალს გაიმართება.
კარაბაო თასის მეორე 1/2 ფინალში ლონდონური დერბი შედგება. დღეს ჩელსი სტემფორდ ბრიჯზე არსენალს მიიღებს.
