VIDEO: სრული დრამა - ქართველმა გუნდი 88-ე წუთზე დააწინაურა, თუმცა...
26 წთ წინ · 0 წთ წასაკითხად
-
Aa
+
ფონტის ზომა
გიორგი პაპავამ უზბეკეთის სუპერ ლიგის მიმდინარე სეზონში მე-5 საგოლე მოქმედება შეასრულა (3 გოლი, 2 ასისტი).
ქართველის ოკმკ-მ ჩემპიონატის ლიდერ ნეფტჩი ფარგონასთან სტუმრად 88-ე წუთზე დაწინაურება მოახერხა (პაპავამ პენალტიდან შეაგდო), თუმცა დარჩენილ რამდენიმე წუთში მაინც უქულოდ დარჩა - 1:2.
ეს შედეგი უმნიშვნელოვანესია საჩემპიონო რბოლაში, რადგან ნეფტჩის რომ ვერ მოეგო, ფახთაქორი მინიმუმ ქულებით გაუთანაბრდებოდა - ახლა სხვაობა 2 ქულაა და სათამაშო კიდევ 2 ტურია.
რაც შეეხება პაპავას ოკმკ-ს, 9 სექტემბრის შემდეგ პირველად წააგო (6 მოგება, 1 ფრე), კვლავ 45 ქულა აქვს და სატურნირო ცხრილის მე-5 ადგილზეა.
სანაკრებო მატჩების შემდეგ ოკმკ ჯაბა ჯიღაურისა და გრიგოლ ჩაბრაძის 35-ქულიან ყიზილყუმს უმასპინძლებს.
