VIDEO: თევზაძის გოლს დინამოს ექს-მცველმა უპასუხა - ქართველების ჟენისმა ისევ ვერ მოიგო

ზურაბ თევზაძემ ყაზახეთის პრემიერ ლიგის 2026 წლის სეზონში პირველი გოლი გაიტანა. ქართველი მცველის ჟენისმა შინ ოკჟეტპესთან 3 ქულა ბოლო წუთებზე გაუშვა ხელიდან - 1:1.

31 წლის ქართველმა უკანახაზელმა, 30-ე წუთზე, ანგარიში კუთხურის შემდეგ, თავური დარტყმით გახსნა, რასაც მეტოქემ 94-ე წუთზე უპასუხა - გოლი დინამო თბილისისა და სამტრედიას ყოფილმა მცველმა, ლეო ასუნსაომ შეაგდო.

თევზაძემ წლევანდელ სეზონში პირველად გაიტანა, გასულ გათამაშებაში კი 2 გოლი ჰქონდა აქტივში.

ჟენისი, რომლის რიგებში ლუკა იმნაძე და ელგუჯა ლობჯანიძეც თამაშობენ, 4 ტურში მოუგებლადაა, 3 ქულა აქვს და ცხრილის მე-12 ადგილზე იმყოფება.