VIDEO: უდიდესი სენსაცია მოლინიუზე — არსენალმა ბოლოადგილოსანთან 2-ბურთიანი უპირატესობა გაანიავა

პრემიერ ლიგის 31-ე ტურის ნაადრევად გამოტანილ მატჩში არსენალმა სტუმრად ვულვზს ვერ მოუგო.

შეხვედრა სტადიონ მოლინიუზე გაიმართა და ფრედ 2:2 დასრულდა — არტეტას გუნდმა ზედიზედ მეორე ფრე ითამაშა.

ლონდონელები 2:0-ს იგებდნენ, თუმცა ტურნირის აუთსაიდერისგან ორი გოლი გაუშვეს და უმნიშვნელოვანესი ქულებიც დაკარგეს.

აღნიშნული შეხვედრა წესით 21 მარტს უნდა ჩატარებულიყო, თუმცა ნაადრევად ინგლისის ლიგის თასის ფინალის გამო ჩატარდა, რომელშიც არსენალი მან სიტის დაუპირისპირდება.

ამ ეტაპზე არსენალს 58 ქულა აქვს და სიტის 5 ქულით უსწრებს, თუმცა გვარდიოლას გუნდს 1 მატჩით ნაკლები აქვს ჩატარებული.

პრემიერ ლიგის სატიტულო ბრძოლა - ვისთან აქვთ სათამაშო გუნდებს?

0-1 საკა 5'

0-2 ჰინკაპიე 56'

1-2 ჰუგო ბუენო 61'

2-2 კალაფიორის ავტოგოლი 90+4'