ინგლისის პრემიერ ლიგის ახალი სეზონის პირველი ტური უხვგოლიანი ლონდონური დერბით დაიხურა.
ალვარო არბელოას ფულემმა კრეივენ კოტეჯზე ჩაბი ალონსოს ჩელსი მიიღო და მწვრთნელებს შორის ესპანური დუელი შედგა.
მატჩი სწრაფი გოლით გაიხსნა, 30-ე წამზე სტუმრები კოულ პალმერის პასის შემდეგ ჟოაო პედრომ დააწინაურა. 23-ე წუთზე მასპინძელთა მხრიდან ჯოშუა კინგმა ანგარიში გაათანაბრა, თუმცა რობერტ სანჩესს ამ მომენტში უკეთესად თამაში შეეძლო.
ჩელსიმ პირველი ტაიმის მოგება მაინც მოახერხა, 41-ე წუთზე გოლი ახალწვეულების კომბინაციით გავიდა. მაქსენს ლაკრუას ფლანგიდან ჩართვის შემდეგ სადებიუტო გოლი მორგან როჯერსმა გაიტანა.
ალონსოს გუნდმა მეორე ტაიმის დაწყებაც სწრაფი გოლით შეძლო. 49-ე წუთზე, ამჯერად საგოლე პასი ჟოაო პედრომ მიითვალა, კოულ პალმერმა კი სხვაობა ორ ბურთამდე გაზარდა.
54-ე წუთზე კიდევ ერთი სადებიუტო გოლი გავიდა, ამჯერად ფულემის შემადგენლობაში თავისი პირველი გოლი გონსალო გარსიამ გაიტანა და ერთი ბურთი გაქვითა.
საბოლოოდ არბელოას გუნდმა თამაშის გადარჩენა ვეღარ მოახერხა და ლონდონური დერბი ჩელსის გამარჯვებით 2-3 დასრულდა.
ალონსოს შეგირდები მე-2 ტურში სტემფორდ ბრიჯზე ბრაიტონს მიიღებენ, ფულემი კი სანდერლენდს ესტუმრება.
