VIDEO: ზურიკო დავითაშვილის პირველი გოლი ახალ სეზონში

საფრანგეთის ლიგა 2-ის მე-3 ტურში სენტ-ეტიენმა საკუთარ მოედანზე გრენობლი მიიღო და 4-0 გაანადგურა.

მატჩი სათადარიგო სკამიდან დაიწყო ზურიკო დავითაშვილმა, რომელიც თამაშში 27-ე წუთზე ტრავმირებული თანაგუნდელის მაგივრად ჩაერთო.

82-ე წუთზე შეხვედრის საბოლოო ანგარიში სწორედ ქართველმა დააფიქსირა, რომელმაც თანაგუნდელ ბოაკიესთან კედელი გაითამაშა და მომენტი შესანიშნავად დააგვირგვინა.

დავითაშვილმა ლიგა 2-ის მიმდინარე სეზონში პირველი გოლი გაიტანა, სენტ-ეტიენი კი 3 მატჩში მოპოვებული 9 ქულით სატურნირო ცხრილს სათავეში უდგას.