გერმანული Sky-ს ჟურნალისტის, ფლორიან პლეტენბერგის ინფორმაციით, გერმანიის ნაკრების მთავარმა მწვრთნელმა, იულიან ნაგელსმანმა დაადასტურა, რომ გუნდში ყველა ფეხბურთელმა უკვე იცის თავისი როლი და ამის შესახებ ინფორმირებული არიან.
იმ შემთხვევაში, თუ მარკ-ანდრე ტერ შტეგენი დროულად ვერ გამოჯანმრთელდება, ოლივერ ბაუმანი ბუნდესნაკრების პირველი მეკარე იქნება მსოფლიო ჩემპიონატზე.
ალექსანდერ ნიუბელი მეორე ნომერი იქნება. მესამე ნომრის პოზიცია კი ჯერ კიდევ თავისუფალია.
ჰოფენჰაიმის 35 წლის მეკარის დებიუტი გერმანიის ნაკრებში 2024 წელს შედგა და უკვე ეროვნულ გუნდში 11 მატჩი ჩაატარა. მანუელ ნოიერის სანაკრებო კარიერის დასრულებისა და მარკ-ანდრე ტერ შტეგენის ტრავმის პირობებში ბაუმანმა ნაკრების პირველი ნომრობა მოიპოვა.
რაც შეეხება 33 წლის ტერ შტეგენს, ის ბარსელონადან ჟირონაში სათამაშო დროის მიღებისა და მსოფლიო ჩემპიონატისთვის მომზადების გამო გადავიდა, თუმცა გერმანელმა მძიმე ტრავმა მიიღო და სავარაუდოა, რომ მას მუნდიალზე ვერ ვიხილავთ.
მიუხედავად იმისა, რომ ტერ შტეგენი გერმანიის ნაკრებში 2012 წლიდან ასპარეზობს და ეროვნულ გუნდში 44 მატჩი აქვს ჩატარებული, მას დიდ სანაკრებო ტურნირზე (მსოფლიო და ევროპის ჩემპიონატები) არასდროს უთამაშია.
