უკრაინელმა სპორტსმენმა ვლადისლავ ჰერასკევიჩმა კორტინაში ზამთრის ოლიმპიური თამაშების საწვრთნელ სესიაზე ჩაფხუტი მოირგო, რომელზეც გამოსახული მის სამშობლოში მიმდინარე ომის დროს დაღუპული ადამიანები არიან.
ჰერასკევიჩმა თამაშებამდე პირობა დადო, რომ ამ ღონისძიებას რუსეთ-უკრაინის ომზე ყურადღების მისაქცევ პლატფორმად გამოიყენებდა.
„ზოგიერთი მათგანი ჩემი მეგობარი იყო,“ - თქვა ჰერასკევიჩმა, რომელიც ოლიმპიადის გახსნის ცერემონიაზე უკრაინის დროშის მატარებელი იყო.
მან Reuters-ს განუცხადა, რომ ჩაფხუტზე გამოსახულთა შორის ბევრი სპორტსმენი იყო, მათ შორის თინეიჯერი ძალოსანი ალინა პერეგუდოვა, მოკრივე პავლო იშჩენკო და ჰოკეისტი ოლექსი ლოგინოვი.
26 წლის სპორტსმენმა თქვა, რომ საერთაშორისო ოლიმპიურმა კომიტეტი (IOC) ჩაფხუტთან დაკავშირებით უკრაინის ოლიმპიურ კომიტეტს დაუკავშირდა.
„დღეს მინდა გიამბოთ ჩაფხუტის შესახებ, რომლითაც რამდენიმე დღეში ოლიმპიურ თამაშებზე ვიასპარეზებ.
ჩაფხუტზე გამოსახული არიან სპორტსმენები, რომლებიც ომის დროს დაიღუპნენ, უფრო სწორად კი, მათი მხოლოდ მცირე ნაწილი.
ეს უსამართლობაა და ამ ადამიანებს ასეთ ახალგაზრდა ასაკში არ უნდა დაეტოვებინათ ეს ცხოვრება. ამ გზით მინდა პატივი მივაგო მათ და მათ ოჯახებს. მსოფლიომ უნდა იცოდეს, რა არის უკრაინის თავისუფლების ნამდვილი ფასი.“ - განაცხადა უკრაინელმა სპორტსმენმა.
