არგენტინის ეროვნული ნაკრების კაპიტნის, ლიონელ მესის მომავალი მსოფლიო ფეხბურთის მთავარ სადისკუსიო თემად რჩება.
სამხრეთამერიკული ფეხბურთის ლეგენდამ და ბოლივიის ეროვნული ნაკრების ყოფილმა ვარსკვლავმა, მარკო ანტონიო ეჩევერიმ დუმილი დაარღვია და როსარიოელს ემოციური თხოვნით მიმართა.
ეჩევერიმ გლობალური კამპანიის წამოწყების იდეა გააჟღერა, რომელიც მილიონი ხელმოწერის შეგროვებას და მესის 2030 წლის მსოფლიო ჩემპიონატზე თამაშისკენ მოწოდებას გულისხმობს.
წერილი უნდა დაიწეროს და მთელი მსოფლიოდან ხელმოწერები შეგროვდეს, რათა ვთხოვოთ, რომ არ წავიდეს. იწყებ ფიქრს მსოფლიო ფეხბურთზე მესის გარეშე და აღარაფერი იქნება ისე, როგორც ადრე. ვფიქრობ, წასვლა თავადაც არ სურს
ბოლივიელმა ლეგენდამ 39 წლის არგენტინელის თამაშიც შეაფასა და აღნიშნა, რომ მან მთელი პლანეტის მოლოდინს გადააჭარბა.
ეს უკეთესი იყო, ვიდრე ყველა ის მსოფლიო ჩემპიონატი, რომელშიც უთამაშია. მისი დონე სხვა ფეხბურთელებისას ბევრად აღემატებოდა. მომდევნო მსოფლიო ჩემპიონატზე მის თამაშს ვხედავ. იმედია, კარიერას არ დაასრულებს, ის აუცილებლად უნდა იყოს შემდეგ მუნდიალზე
მან ასევე ისაუბრა ლიონელ სკალონის გუნდის ფიზიკურ მდგომარეობაზე გადამწყვეტ ეტაპებზე და არგენტინელთა მენტალიტეტს ხაზი გაუსვა:
არგენტინელი ფეხბურთელი დაბადებით გამარჯვებულია. მე ყოველთვის მჯერა მათი და დარწმუნებული ვარ, რომ მოედანზე ყოველთვის მოსაგებად გადიოდნენ
