ფიფამ არგენტინის ფეხბურთის ასოციაციისა და რამდენიმე მოთამაშის წინააღმდეგ სადისციპლინო საქმის წარმოება დაიწყო.
მსოფლიო ჩემპიონატზე მომხდარი სერიოზული დარღვევებისა და სპორტული ღონისძიების პოლიტიკური მიზნებისთვის გამოყენების გამო, სამხრეთამერიკელებს სერიოზული სანქციები ემუქრებათ.
მთავარი ბრალდება ინგლისის ნაკრებთან ატლანტაში მოგებული ნახევარფინალის შემდეგ მომხდარ ინციდენტს უკავშირდება. არგენტინელმა ფეხბურთელებმა მოედანზე პოლიტიკური შინაარსის ბანერი გამოიტანეს, რომლის მიხედვითაც ფოლკლენდის კუნძულები არგენტინას ეკუთვნის. ამასთან ერთად, მმართველი ორგანო გუნდს დისკრიმინაციულ შეძახილებში, მატჩის დაწყების შეფერხებასა და ტრიბუნებიდან ნივთების სროლაში ადანაშაულებს.
კიდევ ერთი სკანდალური ეპიზოდი ესპანეთის ნაკრებთან წაგებულ ფინალს ეხება. დამატებით დროში მარცხის შემდეგ მოედანზე ფიზიკური დაპირისპირება მოხდა, რა დროსაც ლეანდრო პარედესმა ესპანელ ვარსკვლავ გავის ხელი ჰკრა და ძირს დააგდო. ახლა პარედესს ფიზიკური შეურაცხყოფის სამი ბრალდება აქვს წაყენებული, ნაუელ მოლინას ორი, ხოლო გავის, ტიაგო ალმადასა და რობერტო აიალას არასპორტული საქციელისთვის ედავებიან.
ფიფამ მომხდართან დაკავშირებით ოფიციალური განცხადება გაავრცელა და სამომავლო ნაბიჯებზე ისაუბრა:
სადისციპლინო კოდექსის შესაბამისად, ბრალდებულებს უკვე მიეცათ შესაძლებლობა, რომ საკუთარი პოზიცია დააფიქსირონ, რის შემდეგაც კომიტეტი სათანადო გადაწყვეტილებას დადგენილ დროში მიიღებს
