ფიფას პრეზიდენტი ჯანი ინფანტინო გამოეხმაურა კრიტიკას, რომელიც მსოფლიო ჩემპიონატის უფლებების ნაწილის კერძო ინვესტორებზე გაყიდვის გეგმებს მოჰყვა.
ინფანტინო მსოფლიო ჩემპიონატის გაყიდვას აპირებს?!
„ეს სინამდვილეში უბრალოდ ვარიანტია. ეს არის დემოკრატიული პროცესის, კონსულტაციების ნაწილი და, რაც ყველაზე მნიშვნელოვანია, ეს არის შესაძლებლობა და არა ვალდებულება.
ეს არის ოქროს შესაძლებლობა, რათა მთელ მსოფლიოში ფეხბურთის განვითარება მკვეთრად დავაჩქაროთ. თუმცა კიდევ ერთხელ გავუსვამ ხაზს: ეს მხოლოდ ვარიანტია და არა ვალდებულება“.
ინფანტინომ ხაზგასმით აღნიშნა, რომ წინადადება მიმართულია „მანამდე აუთვისებელი კომერციული პოტენციალის“ გამოვლენისკენ და დამოკიდებულია ფიფას 211 წევრი ასოციაციის დემოკრატიულ კენჭისყრასა და ფიფას საბჭოს დამტკიცებაზე.
„ამ ღირებულების გამოვლენა მოითხოვს დამატებით ექსპერტიზასა და ცოდნას, რაც განსხვავდება თავად სპორტის მართვისა და განვითარებისთვის საჭირო უნარებისგან. ეს საშუალებას მოგვცემს, უბრალოდ მოვახდინოთ ფიფას კუთვნილი ყველა ტურნირის კომერციალიზაცია და სისტემატიზაცია, სპონსორობასთან, ტელეტრანსლიაციებთან, ლიცენზირებასა და ახალ პროექტებთან ერთად, ფიფას 211-ვე წევრი ასოციაციის სასარგებლოდ“.
ინფანტინომ განაცხადა, რომ ფეხბურთი არ შეიცვლება, ხოლო გულშემატკივრები მხოლოდ უფრო ბედნიერები იქნებიან.
„გულშემატკივრები მთელი მსოფლიოდან უზარმაზარ სარგებელს მიიღებენ ამ პოტენციურად რევოლუციური ნაბიჯისგან, რადგან ის მათ ქვეყნებში ფეხბურთს სრულიად გარდაქმნის“.
