ფიფას პრეზიდენტი ჯანი ინფანტინო მსოფლიო ჩემპიონატის წილების კერძო ინვესტორებზე გაყიდვას გეგმავს, იტყობინება The Times.
გეგმა ითვალისწინებს კომპანიის შექმნას, რომელიც ფიფას მთავარ მამაკაცთა და ქალთა ტურნირებს - მსოფლიო ჩემპიონატსა და მსოფლიო საკლუბო ჩემპიონატს მართავს.
განხილვის მიმდინარეობასთან დაახლოებულმა ორმა წყარომ განაცხადა, რომ ამ პროექტის შესახებ კონსულტაციები აშშ-ის პრეზიდენტის, დონალდ ტრამპის ადმინისტრაციასთან დაახლოებულ პირებთან გაიმართა.
ფიფაში დაადასტურეს, რომ საინვესტიციო ჯგუფს, სავარაუდოდ, სათავეში ჩაუდგება Thrive Capital, რომელიც ჯოშუა კუშნერმა – დონალდ ტრამპის სიძის, ჯარედ კუშნერის უმცროსმა ძმამ დააფუძნა.
ფიფას თითოეული წევრი 211 ეროვნული ასოციაციაც მიიღებს თავის წილს, რომლის ღირებულებაც შესაძლოა დაახლოებით 20 მილიონი დოლარი იყოს. ასოციაციებს შეეძლებათ ეს წილი შეინარჩუნონ ან გაყიდონ, რათა დამატებითი შემოსავალი მიიღონ.
წყაროების ცნობით, საპრეზიდენტო ვადა ამოწურვის შემდეგ, 56 წლის ინფანტინოს ახალი კომპანიის კომისრად დანიშნვნას გეგმავენ. მოსალოდნელია, რომ მას ფიფას პრეზიდენტის პოსტზე უალტერნატივოდ ხელახლა აირჩევენ და თანამდებობაზე 2031 წლამდე დარჩება.
