ფიფაში გამოეხმაურნენ IFAB-ის განმარტებას, რომელიც ირიბად ადასტურებს, რომ მსოფლიო ჩემპიონატის მეოთხედფინალში, არგენტინასთან მატჩში, შვეიცარიელი ფორვარდის, ბრილ ემბოლოს გაძევება შეცდომა იყო.
შეხვედრის მთავარმა არბიტრმა ჟოაუ პინიეირუმ თავდაპირველად ლეანდრო პარედესს ემბოლოს წინააღმდეგ ჯარიმისთვის ყვითელი ბარათი უჩვენა. თუმცა, გამეორების ნახვის შემდეგ მსაჯმა გადაწყვეტილება შეცვალა, არგენტინელს გაფრთხილება გაუუქმა და შვეიცარიელს სიმულაციისთვის ყვითელი ბარათი უჩვენა, რაც მისთვის მატჩში მეორე აღმოჩნდა.
ორშაბათს ფეხბურთის წესების შემქმნელმა ორგანიზაციამ (IFAB) გამოაქვეყნა ცირკულარი, საიდანაც ირკვევა, რომ ყვითელი ბარათი (გარდა მეორე ყვითელისა) VAR-ზე შეიძლება გადამოწმდეს მხოლოდ იმის დადგენად, თუ რომელი მითამაშე დაჯარიმდა და არა თავად დარღვევის კლასიფიკაციის შესაცვლელად. შესაბამისად, VAR-ს არ ეპატიებოდა არბიტრისთვის რეკომენდაციის მიცემა პარედესისა და ემბოლოს ეპიზოდში ჯარიმის ხასიათის შესაცვლელად.
„ტერმინის „მცდარი იდენტიფიკაცია" ინტერპრეტაციას ფიფა მთელი მსოფლიო ჩემპიონატის განმავლობაში თანმიმდევრულად იყენებდა. იყო ორი შემთხვევა, როდესაც მოთამაშის იდენტიფიცირება მცდარად მოხდა, თითქოს მან ჩაიდინა დარღვევა და VAR-მა არბიტრს ურჩია, მეტოქის სიმულაციით გამოწვეული შეცდომა გამოსწორებულიყო.
სიმულაცია თავისთავად ვერ გასაჩივრდება და მან არ უნდა გამოიწვიოს მეტოქის დისციპლინური დასჯა, რასაც შესაძლოა მოჰყვეს შემდგომი შედეგები - მაგალითად, მეორე ყვითელი ბარათით გაძევება ან მატჩის შეჩერება დაგროვილი გაფრთხილებების გამო.
ჩვენ არ მიგვაჩნია, რომ მსაჯი ან VAR შეცდა - მიღებულმა გადაწყვეტილებამ სამართლიანობა აღადგინა. ჩვენ ცნობად მივიღებთ IFAB-ის კომენტარებს ცირკულარში.
მათთან მუდმივ კონტაქტზე ვიყავით და მათ დაადასტურეს, რომ ასეთი ინტერპრეტაცია სწორი იყო, კარგად იქნა მიღებული და გათვალისწინებული იქნება VAR-ის პროტოკოლში ცვლილებების განხილვისას“, – ციტირებს ფიფას წარმომადგენლის განცხადებას The Athletic.
