2 აგვისტო - ქართველი სპორტსმენების განრიგი

2 აგვისტოს პარიზის ოლიმპიადაზე 5 ქართველი სპორტსმენი იასპარეზებს.

ტყვიის სროლაში ლეგენდარული ნინო სალუქვაძე 25-მეტრიან დისტანციაზე შეეცდება წარმატების მიღწევას. კვალიფიკაცია 11:00-ზე დაიწყება. 40 მონაწილიდან 8 საუკეთესო გადავა ფინალში.

12:00-დან სტარტს აიღებს ძიუდოს შეხვედრები. ქალთა +78 კგ. წონით კატეგორიაში სოფიო სომხიშვილი 1/16 ფინალურ ეტაპზე გერმანელ რენეე ლუხტს შეხვდება. ქართველი ღონისძიების პირველივე ბრძოლაში იასპარეზებს.

კაცთა +100 კგ. წონით კატეგორიაში კი გურამ თუშიშვილი დაიცავს საქართველოს ღირსებას. ქართველი ტურნირში 1/8 ფინალიდან ჩაერთვება, სადაც სენეგალელ ნდიაიესა და გვინეა-ბისაუელ მანეს შორის გამარჯვებულს შეხვდება. ეს ბრძოლა რიგით მე-14 იქნება.

12:35-დან ლიკა ხარჩილავა შეეცდება 100 მეტრზე სირბილში კვალიფიკაციის გადალახვას, სადაც 3 საუკეთესო გადავა შემდეგ ეტაპზე.

14:00-დან კი ლუბა გოლოვინა წარსდგება ბატუტზე ხტომაში. აქ 16 მონაწილიდან 8 საუკეთესო გადადის ფინალურ ეტაპზე.

ამ მომენტისთვის საქართველოს დელეგაციის ყულაბაში 3 მედალია.