ილია თოფურიამ PBD პოდკასტში სტუმრობისას რუსეთსა და მის პრეზიდენტ ვლადიმირ პუტინზე ისაუბრა.
"ჩემი ისტორიიდან და ცხოვრებიდან ერთი რამ ზუსტად ვიცი, რუსები საშიშები არიან, საუბარი მაქვს პუტინსა და პოლიტიკოსებზე, რომლებიც რუსეთს მართავენ, ჩვეულებრივი ხალხის წინააღმდეგი არაფერი მაქვს.
რუს პოლიტიკოსებს კი არაფერი აინტერესებთ. 2008 წელს საქართველოში ვცხოვრობდი და ვნახე, რას უკეთებდნენ რუსები ჩემს ხალხს, ისინი საშიშები არიან. რუსების ნდობა არ შეიძლება, ეს სიგიჟეა.
ისლამი და ბიჭები დაღესტნიდან არიან, ეს რუსეთის ნაწილია. როცა რუსები სხვა ქვეყნებზე თავდასხმას იწყებენ, პირველი ვისაც ომში უშვებენ სწორედ ჩეჩნები და დაღესტნელები არიან, ნამდვილ რუსს ომში იშვიათად ნახავთ. ისინი ამ ხალხს იყენებენ.
პუტინს არასდროს შევხვდებოდი, მშვიდობის შემთხვევაშიც. რუსეთშიც არასდროს ვიჩხუბებდი, ძალიან ბევრი ადგილია მსოფლიოში ბრძოლის ჩასატარებლად.
რაღაც მიზეზით აუცილებლობა თუ დადგა და მომიწია, რუსეთში შეიძლება ჩავიდე, მაგრამ არა ბრძოლისთვის, რუსეთში შოუსთვის არ ჩავალ." - განაცხადა თოფურიამ.
თოფურია: "მახაჩევს მისი ფავორიტი საბმიშენით მოვუგებ"
