54 წუთში მოგებული მატჩი - ჯოკოვიჩმა ნადალთან დაპირისპირება გაინაღდა

პარიზის ოლიმპიადის პირველ წრეში ლეგენდარულმა ნოვაკ ჯოკოვიჩმა ავსტრალიელი მეტიუ ებდენის წინააღმდეგობა უმარტივესად დაძლია.

შეხვედრა 54 წუთს გაგრძელდა და ჯოკოვიჩის გამარჯვებით 6:0 6:1 დასრულდა.

ამ გამარჯვებით ჯოკოვიჩი მე-2 წრეში გავიდა, სადაც შეიძლება რაფაელ ნადალს დაუპირისპირდეს, რომელიც თავის პირველ მატჩს ხვალ, უნგრელი მარტონ ფუჩოვიჩის წინააღმდეგ ჩაატარებს.

პირველი წრის ბარიერი უპრობლემოდ გადალახა ბოლო ორი გრენდ სლემის გამარჯვებულმა კარლოს ალკარასმაც, რომელმაც ლიბანელი ჰადი ჰაბიბი ორ სეტში 6:3 6:1 გაისტუმრა.

შეგახსენებთ, რომ მსოფლიო რეიტინგის სათავეში მყოფი იანიკ სინერი ტურნირს ჯანმრთელობის პრობლემების გამო ტოვებს, ამიტომ ამ ტურნირზე ჯოკოვიჩი პირველ ნომრად არის განთესილი, ალკარასი კი - მეორედ.