ალეგრი მილანიდან წასვლას უარყოფს

მასიმილიანო ალეგრიმ უარყო გავრცელებული ჭორები მისი შესაძლო წასვლის შესახებ და დაადასტურა, რომ კლუბში ყველაფერი რიგზეა.

58 წლის სპეციალისტი მილანს გასულ ზაფხულს დაუბრუნდა და სერჟიო კონსეისაუ შეცვალა. ამჟამად მისი გუნდი სერია A-ს სატურნირო ცხრილში მეორე ადგილზეა და ლიდერ ინტერს 10 ქულით ჩამორჩება.

კრემონეზესთან მოგებული მატჩის (2:0) შემდეგ, ალეგრიმ ჟურნალისტებთან განაცხადა:

მილანთან სრული ჰარმონია მაქვს. ჩვენ ერთმანეთს კარგად ვუგებთ და ერთად ვმუშაობთ. კლუბი უკვე გეგმავს მომავალს და მე აქ ყოფნით ბედნიერი ვარ.