ალექს პერეირა ცნობილია როგორც მებრძოლი, რომელიც ინგლისურად თითქმის არასდროს საუბრობს და ხშირად თავის მწვრთნელს, პლინიო კრუზს იყენებს თარჯიმნად, ან მხოლოდ თავის ცნობილ ფრაზას - „Chama“ ამბობს.
თუმცა, ახალი ვიდეო თამაშის, UFC 6-ის გარეკანის წარდგენისას, ბრაზილიელმა ვარსკვლავმა ტრადიცია დაარღვია და ინგლისურად ემოციურად გამოხატა გაოცება.
შოკისმომგვრელი მომენტი
EA Sports-ის მიერ გავრცელებულ ვიდეოში ჩანს, როგორ გადასცემენ პერეირას თამაშის UFC 6 ყდას, სადაც თავად არის გამოსახული. მებრძოლმა, რომელიც ორი წონითი კატეგორიის მსოფლიო ჩემპიონია, შოკის დამალვა ვერ შეძლო:
„Holy s....“ - წამოიძახა მან კოლოფის დანახვისას. „Oh my God, amazing.“
ამის შემდეგ პერეირამ მშობლიურ პორტუგალიურ ენაზე განაგრძო საუბარი და აღნიშნა, რომ ეს მისთვის უდიდესი პატივია. მისი თქმით, ეს ფოტო მისთვის ერთ-ერთი ფავორიტია და თამაშის გარეკანზე მოხვედრა იმ შრომის აღიარებაა, რაც მან კარიერის განმავლობაში გასწია.
აჭარაბეთი UFC-ის ოფიციალური პარტნიორია!
ისტორიული აღიარება
პერეირას არჩევა UFC 6-ის გარეკანისთვის ბუნებრივი და ლოგიკური გადაწყვეტილებაა. საშუალო და ნახევრად მძიმე წონის ჩემპიონმა, რომელიც ივნისში სირილ განესთან დაპირისპირებისას მესამე საჩემპიონო ქამრის მოპოვებას ცდილობს, უკვე დაიმკვიდრა ადგილი სპორტის ისტორიაში. ეს მომენტი კი მისთვის კიდევ ერთი დასტურია იმისა, თუ რამდენად მაღალია მისი ავტორიტეტი მსოფლიო სპორტულ ინდუსტრიაში.
მიუხედავად იმისა, რომ პერეირა ოქტაგონზე თავისი სერიოზულობითა და ჩაკეტილი ბუნებით არის ცნობილი, ამ ვიდეომ გულშემატკივრებს მისი სრულიად განსხვავებული, ემოციური მხარე დაანახა.
