ამორიმი: "მეორე გოლი თამაშგარიდან გავიტანეთ, ამიტომ არის საჭირო VAR"

რუბენ ამორიმმა ინგლისის თასის 1/16 ფინალში ლესტერის დამარცხების შემდეგ აღიარა, რომ ჰარი მაგუაიერმა გამარჯვების გოლი თამაშგარიდან გაიტანა.

FA თასზე ვიდეორეფერის არ იყენებენ, რის გამოც ბოლო წუთებზე, წესების დარღვევით გასული გოლი ჩაითვალა და მანჩესტერი შემდეგ ეტაპზე გავიდა.

„მეორე გოლი აშკარა თამაშგარე იყო. სწორედ ამიტომ გვჭირდება VAR-ი, რომ ასეთ სიტუაციებში შეცდომა გამოასწოროს. ძალიან მძიმე შეცდომაა რუდისთვის და ზოგადად ჩვენი მეტოქისთვის." - აღნიშნა ამორიმმა მატჩის შემდეგ.

მანჩესტერი 1/8 ფინალში ზირკზეს და მაგუაიერის გოლებით გავიდა, შემდეგი მეტოქის ვინაობას კი წილისყრის შემდეგ დაადგენს.