ბრემენის ვერდერი ზაფხულისთვის დაგეგმილ ტურს აშშ-ში არ განახორციელებს და აცხადებს, რომ მინეაპოლისში ახლახან მომხდარი ინციდენტები „არ შეესაბამება კლუბის ღირებულებებს“.
გერმანული საფეხბურთო გუნდი წინასწარ გეგმავდა მაისში ერთი კვირის გატარებას მინესოტასა და დეტროიტში, სადაც ორი ამხანაგური მატჩი უნდა გაემართა. მეტოქეები დადასტურებული არ ყოფილა და წინადადება საბოლოო შეთანხმებამდე არ მისულა.
კლუბის წარმომადგენელმა მიზეზად მინეაპოლისში აშშ-ის იმიგრაციისა და საბაჟო სამსახურის (ICE) აგენტების ბოლოდროინდელი ქმედებები დაასახელა. რენე გუდი და ალექს პრეტი გასულ თვეში ქალაქში აშშ-ის ფედერალურმა აგენტებმა მოკლეს.
„მინესოტაში ორი ადამიანი სახელმწიფო უწყებების წარმომადგენლებმა ცეცხლსასროლი იარაღით მოკლეს, ქალაქში თამაში, სადაც არეულობაა და ხალხს ესვრიან, არ შეესაბამება ჩვენს ღირებულებებს. ეს ჩვენთან არ მოხდება.“ - განაცხადა კლუბის წარმომადგენელმა
