ლიონელ მესიმ სოციალურ ქსელებსა და მედიაში გავრცელებული ჭორებს უპასუხა.
ინტერ მაიამის ლიგების თასის ფარგლებში დაგეგმილი მატჩის წინ, ჟურნალისტმა ბრუნო ვეინმა არგენტინელ ლეგენდას პირდაპირი კითხვით მიმართა: „მიდის თუ არა ტიაგიტო ლა მასიაში?“, რაზეც მესიმ მოკლედ და ცალსახად უპასუხა: „არა“.
ამ ერთმა სიტყვამ სრულად გააბათილა ბოლო დღეებში სოციალურ ქსელებსა და სპორტულ გამოცემებში აქტიურად გავრცელებული სპეკულაციები.
13 წლის ტიაგო ამჟამად ინტერ მაიამის ახალგაზრდულ აკადემიაშია, სადაც 2023 წლიდან თამაშობს. მამისგან განსხვავებით, რომელიც ტრადიციულად შემტევი პოზიციებით გამოირჩევა, ტიაგო უფრო მეტად პლეიმეიქერისა და ნახევარმცველის როლს ირგებს. მ
იუხედავად იმისა, რომ მან წარსულში ბარსელონას ბარსა ესკოლასა (2016-2019) და პარი სენ-ჟერმენის აკადემიაშიც მოასწრო თამაში, ამჟამად კატალონიაში დაბრუნება გეგმებში არ შედის.
მესის ეს განცხადება ზუსტად იმ პერიოდს დაემთხვა, როდესაც კლუბმა და გულშემატკივრებმა ლიონელის ბარსელონადან ემოციური წასვლის მეხუთე წლისთავი (5 აგვისტო, 2021) გაიხსენეს, რამაც ფანებში შვილის ლა მასიაში დაბრუნების მოლოდინი კიდევ უფრო გააძლიერა.
