მადრიდის რეალის მთავარმა მწვრთნელმა, ალვარო არბელოამ, ბაიერნთან პირველი მატჩის წინ, მედიასთან ისაუბრა.
„მინდა ვიხილო რეალი, რომელიც ყოველთვის ღირსეულად უპირისპირდებოდა უძლიერეს მეტოქეებს. ბაიერნი გამორჩეულ სეზონს ატარებს და ვიცით, რას მოგვთხოვენ ისინი მოედანზე. ჩვენ და მიუნხენელებს ყოველთვის განსაკუთრებული ისტორია გვქონდა. ბერნაბეუზე ჩემპიონთა ლიგის კიდევ ერთი დიდებული საღამო გველოდება.
გამარჯვებისთვის თამაშის ყველა ეტაპზე ბევრი რამ უნდა გავაკეთოთ კარგად. იმისთვის, რომ ვიყოთ საუკეთესო გუნდი, უნდა ვიყოთ ძალიან შეკრულები და გვქონდეს კოლექტიური მენტალიტეტი. სწორედ ამაზე ვამახვილებ ფეხბურთელების ყურადღებას ყველაზე მეტად. ჩვენ გვყავს საუკეთესო მოთამაშეები და უნდა ვიყოთ საუკეთესო გუნდი მსოფლიოში. ჩვენი ტალანტი გუნდის სასიკეთოდ უნდა გამოვიყენოთ.“
არბელოამ ასევე შეაფასა ვინსენ კომპანის გაწვრთნილი გუნდიც:
„ბაიერნი ძალიან კარგად მომზადებული გუნდია, მათი ინდივიდუალურობა და სტილი მაშინვე თვალში საცემია. ისინი აგრესიულები არიან დაცვაში და მეტოქეს აიძულებენ მუდმივად უკან დაბრუნდნენ. ფლანგებზე კი ნიჭიერი მოთამაშეების დახმარებით ბევრ მომენტს ქმნიან. ვენსან კომპანი ქებას იმსახურებს, ის მიუნხენში უდიდეს სამუშაოს ასრულებს.“ — აღნიშნა არბელოამ.
