მნიშვნელოვანი დანაკლისი — რეალი ალიანც არენაზე საკვანძო ფეხბურთელის გარეშე ჩავა

მადრიდის რეალის ნახევარმცველი, ორელიენ ჩუამენი, ჩემპიონთა ლიგის საპასუხო მეოთხედფინალურ შეხვედრას მიუნხენის ბაიერნის წინააღმდეგ გამოტოვებს.

ფრანგმა ნახევარმცველმა გუშინდელი მატჩის (1:2) 37-ე წუთზე მაიკლ ოლისეზე დაჯარიმებისთვის გაფრთხილება მიიღო, რაც მისთვის ამ სეზონში მე-3 აღმოჩნდა და ის იძულებული იქნება, შემდეგი თამაში დისკვალიფიკაციის გამო გამოტოვოს.

„უბრალოდ მივრბოდი, როდესაც ბარათი მივიღე. არ ვიცი, რა მოხდა. მსაჯმა ჩათვალა, რომ უკვე ძალიან ბევრი ჯარიმა დაგროვდა და ბარათის ჩვენება გადაწყვიტა. ამას ვერ ვიგებ.

გვინდა საპასუხო მატჩი მოვიგოთ, მაგრამ უკეთესად თამაში გვმართებს. ცუდი თამაში არ გვიჩვენებია, მაგრამ როდესაც 0:2-ს აგებ, ყველაფერი გაცილებით რთულდება. ჩვენი შესაძლებლობების გვჯერა“. — აღნიშნა ფრანგმა ფეხბურთელმა.

საპასუხო მატჩი 15 აპრილს, ალიანც არენაზე გაიმართება.