ბარსელონას საჩივრის გამო, უეფამ მსაჯი სეზონის ბოლომდე ჩახსნა

იშტვან კოვაჩი მიმდინარე სეზონში ჩემპიონთა ლიგის მატჩებზე აღარ იმუშავებს.

Diario Sport-ის ინფორმაციით, უეფამ 41 წლის რუმინელი მსაჯის ჩამოშორების გადაწყვეტილება მიიღო. კოვაჩი ბარსელონასა და ატლეტიკოს დაპირისპირებას (0:2) უძღვებოდა, რის შემდეგაც „ბლაუგრანამ“ მისი ქმედებები ოფიციალურად გაასაჩივრა.

კატალონიელთა უკმაყოფილება გამოიწვია ეპიზოდმა, როდესაც მადრიდელთა მცველმა, მარკ პუბილმა, საკუთარ საჯარიმოში ბურთი ხელით შეაჩერა, თუმცა პენალტი არ დაინიშნა.

ამ გადაწყვეტილებამ მატჩის მსვლელობაზე გადამწყვეტი გავლენა იქონია, რის გამოც უეფამ მსაჯის ბარსელონას საჩივრის ნიადაგზე მსაჯის სეზონის ბოლომდე ჩახსნა გადაწყვიტა, რათა შემდგომი შესაძლო კონფლიქტი აირიდოს თავიდან.

ამრიგად, კოვაჩისთვის ჩემპიონთა ლიგის მიმდინარე გათამაშება დასრულებულია.

ბარსელონა კი საპასუხო მატჩში სიტუაციის გამოსწორებას მადრიდში, 14 აპრილს შეეცდება.