რეალის მთავარმა მწვრთნელმა, ალვარო არბელოამ, კლუბის პრეზიდენტის, ფლორენტინო პერესის მიმართ გულშემატკივართა უკმაყოფილებაზე კომენტარი გააკეთა.
ლევანტესთან მატჩის მე-5 წუთზე (2:0), რეალის ქომაგები სკანდირებდნენ — „ფლორენტინო, გადადექი!“, ფეხბურთელებს კი თავიდანვე სტვენით დახვდნენ. გარდა ამისა, შეხვედრამდე მადრიდის ქუჩებშიც გამოჩნდა ბანერები, რომლებზეც პერესი მკაცრად იყო გაკრიტიკებული.
„მე ვიცი, საიდან მოდის ეს სტვენა და ეს კამპანიები. ამ ყველაფერს არ აკეთებს ის, ვინც ფლორენტინოს წინააღმდეგია, ამას აკეთებენ ის, ვისაც რეალი არ უყვარს.
ისინი ვერ მომატყუებენ. ფლორენტინო პერესი რეალის ისტორიაში ერთ-ერთი უმნიშვნელოვანესი ფიგურაა, სანტიაგო ბერნაბეუსთან ერთად. ჩვენ, რეალის გულშემატკივრებმა, კარგად ვიცით, რა გააკეთა ფლორენტინომ ამ კლუბისთვის.
ჩვენ ვიცით, საიდან მოდის ეს სტვენა“, — განაცხადა არბელოამ.
