არჩათვლილი ასისტი და მარცხი მონაკოსთან - ლიგა 1-ში დავითაშვილის დებიუტი შედგა

საფრანგეთის ლიგა 1-ში ზურიკო დავითაშვილის დებიუტი შედგა.

პირველი ტურის მატჩში ქართველის სენტ-ეტიენი მონაკოს ესტუმრა და 1:0 დამარცხდა.

28-ე წუთზე მონეგასკური კლუბი ტაკუმი მინამინომ დააწინაურა და ეს მატჩის ერთადერთი გოლი აღმოჩნდა.

დავითაშვილმა მოედანზე სრული მატჩი ჩაატარა და 72-ე წუთზე თანაგუნდელ იბრაიმ სისოკოს თამათანაბრებელი გოლიც გაატანინა, რომელიც, სამწუხაროდ, თამაშგარის გამო გაუქმდა.

გამოცემა SofaScore-მ დავითაშვილს ამ მატჩისთვის 6.3 შეფასება დაუწერა.